Размовы, аналізы, інфармацыя пра людзей, падзеі і з’явы, якія могуць быць карыснымі беларусам у Польшчы, а таксама могуць стаць натхненнем для іх уласных дзеянняў. Сярод нашых гасцей, між іншым, Беларусы, вымушаныя эміграваць з краіны, якія распавядаюць пра тое, як ім жывецца ў Польшчы, і палякі, звязаныя з беларускімі справамі ў Польшчы.

У кнізе «Чорны лес» Тоні Лашдэн за пераход мяжы неабходна плаціць уласнай плоццю, а ў паштовую скрыню рана ці позна прыходзіць позва на згубнае балота. Але «чорны лес» - гэта не фантастыка і не антыўтопія, а рэалістычнае па сваёй сутнасці адлюстраванне свету, у якім выявілі сябе беларусы і беларускі пасля 2020 года.

Беларусы ў Польшчы і ў свеце

Сродкі, атрыманыя з продажу кнігі, пісьменніца і журналістка Тоні Лашден прызначае на падтрымку беларускіх палітзняволеных жанчын

Слёзы бабулі і яе ўспаміны аб «чорных варанках», якія ўначы забіралі «ворагаў народа», сталі апошняй кропляй у доўгіх роздумах і змусілі нашага суразмоўцу, у мінулым актывіста Беларускага задзіночання студэнтаў, Сяржука Дубіну ўцякаць з Беларусі і наладжваць сваё жыццё ў Польшчы.  <br>У падкасце «Беларусы ў Польшчы і свеце» разам з Сяржуком Дубінай, сярод іншага, параўноўваем сістэмы вышэйшай адукацыі ў Польшчы і Беларусі, а таксама разважаем пра выклікі няўрадавых беларускіх арганізацый у Польшчы. 

Беларускі актывіст ва Уроцлаве: Слёзы бабулі і яе страх аб маёй будучыні, змусілі мяне пакінуць Беларусь

Марыя Гвардзейцава — мастачка і мультыдысцыплінарная візуальная аўтарка, якая жыве і працуе ў Лондане. У сваіх працах яна іранічна асэнсоўвае тэмы памяці і сублімуе боль, спалучаючы рэалістычнае і фантастычнае. Палітычны кантэкст займае цэнтральнае месца ў яе інсталяцыях, якія даследуюць сацыяльныя ролі і сутнасць аб’ектаў, аддзяляючы іх ад звыклых культурных функцый.

Мастачка Марыя Гвардзейцава прызнае, што палітычны кантэкст займае цэнтральнае месца ў яе інсталяцыях

Беларуская рэжысёрка Валянціна Мароз да 2020 года працавала ў Тэатры-лабараторыі сацыяльнага тэатра ў Мінску, дзе ставіла дакументальныя спектаклі і па п'есах сучасных беларускіх драматургаў. Вучылася ў магістратуры школы-студыі МХАТ у Маскве і Цэнтры імя Мейерхольда. У нашым падкасце мы абмяркуем, як паставіць беларускую п'есу ў эміграцыі і якімі праблемамі  жывуць беларускія акцёры.

Беларускі тэатр у эміграцыі: выклікі, пошук шляхоў і важнасць дыялогу

Эколаг, кіраўнік фонду «Nierusz Natura», блогер Уладзімір Зуеў  знаёміць з гісторыяй Варшавы ды іншых польскіх гарадоў. У ягоным блогу выкладзеныя дзясяткі фільмаў пра цікавінкі архітэктуры ды прыроды Польшчы, а таксама пра беларускі-польскія гістарычныя сувязі. Паміж дзвюма краінамі ёсць шмат падобнага, супольная гісторыя, але і адрозненні, якія вынікаюць з асаблівасцяў сістэмы кіравання да ўмоў развіцця ў апошнія гады. Разам з тым у Польшчы ёсць шмат цікавых вырашэнняў, якія могуць быць павучальнымі для беларусаў, перакананы адмысловец.

Блогер Уладзімір Зуеў ужо год распавядае пра цікавыя старонкі гісторыі Варшавы, у тым ліку звязанай з Беларуссю.

Маладая беларуская акторка, музыка і аўтарка песень Кеціван Асраташвілі апынулася ў эміграцыі пасля падзей 2020 года. Аб тым, як складваецца яе жыццё і творчасць на чужыне, што яна тут шукае і аб чым марыць — у нашым падкасце.

Творчасць на чужыне: як акторка і музыка Кеціван Асраташвілі знаходзіць сваё месца ў эміграцыі

Беларуская мастачка, ілюстратарка Аляксандра Канафальская добрая знаёмая беларусам Уроцлава. Дзяўчыны актыўная дзяячка мясцовай беларускай грамады. Без яе ўдзелу або завадатарства не абыходзіцца ніводная культурніцкая імрэза беларусаў у Ніжняй Сілезіі. А яшчэ Аляксандра ладзіць масавая паходы ў горы.  У падкасце «Беларусы ў Польшчы і ў свеце» слухайце аповед Аляксандры Канафальскай пра ўдзел у пратэстах, страх страціць дзяцей, а таксама пра новае поўнае выклікаў і радасцяў жыццё ў Польшчы.<br>

Мастачка Аляксандра Канафальская: Нягледзячы на пераслед і эміграцыю, не на секунду не шкадую аб сваіх учынках у 2020-м 

Пісменніца і драматург Дыяна Балыка спрабуе сябе ў новай ролі акторкі. Яна грае ў спектаклі “Ордэн Белай Мышы” па аднайменнай прытчы Уладзіміра Арлова. Яна расказвае пра працу над спектаклем, творчым калектывам і свой рэцэпт на жыццё. “Мой жыццёвы прынцып: кажы жыццю так”, - гаворыць Дыяна Балыка.<br>Казка-прытча "Ордэн Белай Мышы" - гэта тэатральны эксперымент і даследаванне гісторыі беларусаў праз спалучэнне тэксту класіка беларускай літаратуры Уладзіміра Арлова і актуальных тэкстаў сучаснай драматургіі. Сюжэт спектакля - прадказанне. Ён балансуе паміж фантастыкай і рэальнасцю, вядзе гледача ў незабыўнае падарожжа ў свет пазнавання беларускіх рэалій з іх эмоцыямі і перажываннямі. Гэта размова аб часе і аб сабе.

Пісменніца і драматург Дыяна Балыка спрабуе сябе ў новай ролі акторкі. “Мой жыццёвы прынцып: кажы жыццю так”

Людзі камфортна сябе адчуваюць, калі ёсць магчымасць пачуць  пра сваю гісторыю на роднай мове, распавядае Аляксандра, якая займаецца ў Музеі Polin беларускімі праектамі. Музей гісторыі польскіх яўрэяў рэгулярна ладзіць для беларусаў экскурсіі ды гарадскія шпацыры на беларускай мове. Установа рыхтуецца да пашырэння сваёй адукацыйнай прапановы, рыхтуючы больш майстар класаў ды розных практычных заняткаў. 

Аляксандра: Polin – адзін з нешматлікіх музеяў у Варшаве, дзе ёсць прапанова для беларусаў і на  беларускай мове

Прадстаўніца Офіса Святланы Ціханоўскай у Чэшскай Рэспубліцы Крысціна Шыянок распавяла пра працу прадстаўніцтва і жыццё беларускай эміграцыі ў Чэхіі. Акрамя наладжвання дыпламатычных кантактаў, Офіс дэмакратычных сілаў Беларусі  ў Празе таксама непасрэдна дапамагае беларускім мігрантам. Дзяячка звярнула ўвагу на тое, што іх праца з’яўляецца дэмакратычнай і прабеларускай альтэрнатывай лукашэнкаўскай амбасады ў Празе.

Podcasty

Беларусы ў Польшчы і ў свеце

Playlista

Беларусы ў Польшчы і ў свеце